Во помланьыс вӧчлывлам ас уджлы кывкӧртӧдъяс. Ме жӧ кӧсъя Экология волы сиӧм некымын кыв шуны.
Сыктывкарын уна во чӧж нин тӧждысьӧны сы вӧсна, медым йӧзыс ёгсӧ торъя бакъясӧ чукӧртісны: гумаг да картон ӧтилаӧ, пластик - мӧдлаӧ. Кӧрт да стеклӧ дозмукъяс торъя бакъясӧ шыблалӧм серти эм на мытшӧдъяс, но чайта, регыд и татшӧм уджӧ босьтчасны.
Гортын асьным торйӧн гумаг да пластик ӧктам да шыблалам, удж вылын ёртъясӧс корам тадзи жӧ вӧчны. Нимкодь - водзмӧстчӧмыслы паныд мунысьяс абуӧсь.
 |
| Коми наука шӧринса Биология институт сайын |
Вочасӧн карсаясыд таӧ велалісны, весиг нимкодь овлывлӧ, кор аддзан, мый бакъясыс тыраӧсь. Сідзкӧ, абу этша экология вӧсна тӧждысьысь йӧзыс. И сэк жӧ жугыльмӧдӧ, мый тыра бакъяссӧ вель дыр оз куштыны-нуны. Бакъясыскӧд орччӧн кыптӧны содтӧд мылькъяс, кытысь ёгыс паськалӧ водзӧ.
 |
| Коми республикаса войтырлӧн ёртасян керка сайын |
Артмӧ, мый йӧзсӧ велӧдім торъя бакъясӧ ёг шыблавны, а ас кадӧ ёг нуны сійӧ асшӧр уджалысьяссӧ, кодъяс таысь сьӧм перйӧны, колӧ на велӧдны?!
К году экологии в России население научили раздельно раскладывать отходы, а вот своевременно вывозить мусор так и не научили!
