Шойччан лунӧ Сыктывкарын чукӧртлім кыккывъялун серти велӧдчӧм, кытчӧ воліс Удмуртияса Ижкарысь Татьяна Волкова, коді веськӧдлӧ "Билингва" шӧрин проектӧн да зільӧ "Нуныкай" удмурт велӧдан шӧринын. Буретш тайӧ шӧринъясыс водзмӧстчӧны, медым Ижкарын ӧтувтны чужан кывйӧн сёрнитны кӧсйысь бать-мамӧс да налысь челядьсӧ. Татшӧм жӧ удж нуӧдсьӧ Сыктывкарын "ШУДА КОТЫР" клубӧн. Ӧкмӧм опытӧн юксьӧм могысь и котыртӧма вӧлі тайӧ семинарыс.
Зэв нимкодь вӧлі аддзыны Комиын Татьяна Волковаӧс, кодкӧд тӧдса нин 11 во. Сыкӧд тӧдмасьӧмыс артмис 2007 воын Петрозаводскын, кӧні ӧтлан пукалім фин-йӧгра нывъяс костын "Войвыв кодзув" регионъяскостса мичлун конкурс журиын да донъялім ордйысьысьяссӧ. Сэки зэв бура петкӧдчисны 2006 вося "Райда" конкурсын вермысьяс - Наталья Чаланова да Анастасия Есева (ӧні - Рогачева), а Яна Васильченкова шедӧдіс Карелияын медводдза места.
И со уна во мысти удмурт кыв да культура сӧвмӧдыськӧд бара паныдасим Сыктывкарын Ёртасян керкаын. Коми республикаса национальнӧй политика министерство корис тайӧ мортсӧ, медым сійӧ висьталыштіс, кыдзи удмурт том бать-мамыскӧд да налӧн челядьыскӧд нуӧдӧны уджсӧ.
И со уна во мысти удмурт кыв да культура сӧвмӧдыськӧд бара паныдасим Сыктывкарын Ёртасян керкаын. Коми республикаса национальнӧй политика министерство корис тайӧ мортсӧ, медым сійӧ висьталыштіс, кыдзи удмурт том бать-мамыскӧд да налӧн челядьыскӧд нуӧдӧны уджсӧ.
Медводз 2015 воын лӧсьӧдӧмаӧсь кыккывъялун серти "Билингва" сайт, кытчӧ пукталӧмаӧсь колана гижӧдъяс (оланпасъяс, туясьӧмъяс, чужан кыв видзан вӧзйӧмъяс), а сэсся нин босьтчӧмаӧсь чукӧртны карса бать-мамсӧ велӧдан семинаръяс вылӧ. Сы вӧсна, мый семинаритны локтӧны ёнджыкасӧ мамъясыс, регыд нин кутӧмаӧсь шусьыны "Анай клубӧн" (Мам клуб, комиӧн кӧ). А тавосянь Ижкарын "Удмурт Кенеш" борд улын восьтӧмаӧсь "Нуныкай" шӧрин, шедӧдӧмаӧсь Президент грант.
Мыйӧнкӧ ӧткодь серпасыс и Комиын. Кык во сайын Сыктывкарын восьтӧма "Шуда котыр" клуб, сійӧ ӧтувтӧ коми семьяяс. Кадысь-кадӧ чукӧртчывлам выльвоасьны, ӧтув нуӧдны челядьнымлы ворсан-гажӧдчан уджтасъяс. Локтан во вылӧ "Коми войтыр" ӧтмунӧм отсӧгӧн шедӧдӧма "Лукойллысь" грант, медым Сыктывкарын олӧмӧ пӧртны "Кыв поз" проект. Тайӧ уджтас сертиыс 2018 воын тӧлысьлӧн быд коймӧд субӧтаӧ Коми республикаса войтырлӧн Ёртасян керкаын (Сыктывкар, Ленин ул., 74) кутам нуӧдны семинаръяс - челядьлы тайӧ лоӧ содтӧд тӧдӧмлун сетанінӧн. Кыксянь ар дас ӧтиӧдз челядькӧд кутасны уджавны ыджыд опыта педагогъяс (кагульничаяс, шылад велӧдысьяс), кодъяс веськӧдлӧм улын ныв-зон серпасасясны, пластилинӧн вӧчасясны, кывбур велӧдасны, сьыласны, ворсыштасны и с.в.
Та кадӧ, сійӧ жӧ жыръяс, семьяын коми кыв видзӧм-сӧвмӧдӧм йылысь гусяторъясӧн бать-мамкӧд юксясны педагогъяс да психологъяс. Ӧні нин юӧрталам семинаръяс йылысь, корсям Сыктывкарын олысь том бать-мамӧс да налысь челядьсӧ. Ас кӧсйӧм йылысь позьӧ юӧртны Контактын "Шуда котыр" группаын. Чайтам, семинаритысьяслы лоас неыджыд дон - 50 шайт. Став уджыс кутас нуӧдсьыны сӧмын комиӧн.
А во помас дасьтам карса челядьлы выльвоасян ыджыд гаж . (Таво тшӧтш лоӧ - ӧшым тӧлысь 23-ӧд лунӧ Ёртасян керкаын).
Та кадӧ, сійӧ жӧ жыръяс, семьяын коми кыв видзӧм-сӧвмӧдӧм йылысь гусяторъясӧн бать-мамкӧд юксясны педагогъяс да психологъяс. Ӧні нин юӧрталам семинаръяс йылысь, корсям Сыктывкарын олысь том бать-мамӧс да налысь челядьсӧ. Ас кӧсйӧм йылысь позьӧ юӧртны Контактын "Шуда котыр" группаын. Чайтам, семинаритысьяслы лоас неыджыд дон - 50 шайт. Став уджыс кутас нуӧдсьыны сӧмын комиӧн.
А во помас дасьтам карса челядьлы выльвоасян ыджыд гаж . (Таво тшӧтш лоӧ - ӧшым тӧлысь 23-ӧд лунӧ Ёртасян керкаын).
Дерт, окота этшаджык ӧшыбка вӧчны проектсӧ нуӧдігӧн. И медым гежӧдджыка ковмис юр жуглыны, вӧлі корӧма Татьяна Волковаӧс. Сійӧс кывзыны воис морт дас - и бать-мам да велӧдысьяс, томулов да министерствоын уджалысьяс.
Лектор висьталыштіс "Билигва" проект да "Нуныкай" челядьлы шойччан да велӧдан шӧрин проект йылысь. Найӧ нуӧдӧны удмурт бать-мамлы да налӧн челядьлы семинаръяс. Проектсӧ олӧмӧ пӧртны отсасьӧны логопед, психолог, педагогъяс, шылад велӧдысь, кодъяс гӧгӧрвоӧдӧны кыккывъялунлысь коланлунсӧ, сетӧны сӧветъяс и с.в., и ставыс удмурт кывйӧн.
Сёрнитім и сы йылысь, кыдзи веськӧдлыны проектъясӧн, кыдзи корсьны отсасьысьясӧс, спонсоръясӧс и уна мукӧд гусятор йылысь.
Педагогика наукаясса кандидат Зоя Остапова, коді пырӧ "Коми войтыр" ӧтмунӧмса Президиумӧ, висьталіс "Дзолюк" ворсана педагогика велӧдчанін йылысь. Тайӧ проектыс тшӧтш вермӧма Президент грант. Челядьлысь да бать-мамлысь ворсан культурасӧ кутасны кыпӧдны Изьва, Сыктывдін да Луздор районъясын: лӧсьӧдасны театръяс, нуӧдасны семинаръяс да фестиваль, дасьтасны видеоурокъяс.
Лектор висьталыштіс "Билигва" проект да "Нуныкай" челядьлы шойччан да велӧдан шӧрин проект йылысь. Найӧ нуӧдӧны удмурт бать-мамлы да налӧн челядьлы семинаръяс. Проектсӧ олӧмӧ пӧртны отсасьӧны логопед, психолог, педагогъяс, шылад велӧдысь, кодъяс гӧгӧрвоӧдӧны кыккывъялунлысь коланлунсӧ, сетӧны сӧветъяс и с.в., и ставыс удмурт кывйӧн.
Сёрнитім и сы йылысь, кыдзи веськӧдлыны проектъясӧн, кыдзи корсьны отсасьысьясӧс, спонсоръясӧс и уна мукӧд гусятор йылысь.
Педагогика наукаясса кандидат Зоя Остапова, коді пырӧ "Коми войтыр" ӧтмунӧмса Президиумӧ, висьталіс "Дзолюк" ворсана педагогика велӧдчанін йылысь. Тайӧ проектыс тшӧтш вермӧма Президент грант. Челядьлысь да бать-мамлысь ворсан культурасӧ кутасны кыпӧдны Изьва, Сыктывдін да Луздор районъясын: лӧсьӧдасны театръяс, нуӧдасны семинаръяс да фестиваль, дасьтасны видеоурокъяс.
На выходных в Сыктывкаре организовали семинар по билингвизму с участием гостьи из Ижевска – руководителя проектов "Удмуртский центр билингвизма «Билингва»" и «образовательно-досуговый центр для детей-билингвов "Нуныкай"».